သင်္ကြန်ကာလအတွင်း ရှေ့တန်းမှ လုပ်အားပေးဆောင်ရွက်နေသည့် လူမှုကယ်ဆယ်ရေးဝန်ထမ်းများနှင့်အတူ ရပ်တည်လျက်ရှိ
သင်္ကြန်ကာလအတွင်း YKKO နှင့် KFC Myanmar အဖွဲ့များသည် ငလျင်ဘေးဒဏ်သင့် နေရာဒေသများတွင် ပြန်လည်ထူထောင်ရေးလုပ်ငန်းများကို အားသွန်ခွန်စိုက် ဆောင်ရွက်နေကြသည့် ကယ်ဆယ်ရေး အဖွဲ့ဝင်များ၊ ကျန်းမာရေးဝန်ထမ်းများနှင့် ကယ်ဆယ်ရေးစခန်းများရှိ လူနာများကို ပံ့ပိုးကူညီပေးခဲ့ပါသည်။
မန္တလေးရှိ အနော်မာ လူမှုဖူလုံရေးနှင့် ကယ်ဆယ်ရေးအဖွဲ့၊ မဟာကယ်ဆယ်ရေးအဖွဲ့ နှင့် ၎င်းတို့၏လူနာများ၊ မင်္ဂလာသီရိအားကစားကွင်းရှိ ကျန်းမာရေး လုပ်အားပေးအဖွဲ့ဝင်များ ၊ ယာယီကယ်ဆယ်ရေးစခန်းများနှင့် ဘုန်းကြီးကျောင်းများသို့ လိုအပ်သည့် အစားအသောက်များကို ပေးပို့ပေးခဲ့ပါသည်။
လူမှုကယ်ဆယ်ရေး အဖွဲ့သားများသည် ယခုကဲ့သို့ အရေးပေါ်အခြေအနေတွင် ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကို ရှေ့တန်းမှနေ၍ မနားမနေ ကြိုးပမ်းနေကြသူများဖြစ်ပါသည်။ ထို့ကြောင့် သူတို့အား တစ်ဖက်တလှမ်းမှ ကူညီပံ့ပိုးခွင့်ရသည့်အတွက် ကျွန်ုပ်တို့ အနေဖြင့် ပီတိဖြစ်မိပါသည်။
ပြန်လည်ထူထောင်နိုင်ရန် ကြိုးစားနေကြသည့် ငလျင်ဒဏ်သင့် ပြည်သူများ၊ ပြန်လည်ထူထောင်ရေးတွင် ကူညီဆောင်ရွက်ပေးနေကြသည့် လုပ်အားပေးများ၊ လူမှုကယ်ဆယ်ရေးအဖွဲ့ဝင်များနှင့်အတူ ရိုးမလုပ်ငန်းစုမှ ရပ်တည်ပေးလျက်ရှိပါသည်။
